Líbere Hospitality Group 2019an sortu zen, Europako usadiozko hotelen alternatiba handiena eraikitzeko helburuarekin. Horretarako, hotelak eta oporretako alokairua uztartzen dituen eredu operatibo berri bat proposatu dute, bi irozkaitan oinarrituta: bezeroaren esperientzia eta teknologia propioaren erabilera.
Ekonomia Sustatzeko Foru Sailak enpresei eta ekintzaileei ematen dizkien dirulaguntzen programetako batzuk kudeatzen laguntzen du Beazek. Haren talde teknikoak gertutik ezagutzen du enpresa-proiektu bakoitzaren atzean dagoen dedikazioa eta hazteko nahiz berritzeko ahalegina.
P.Q.C. Power Quality Controlek H2 Integra proiektuan parte hartzen du, ardatz hartuta hidrogeno berdea datu-zentroen energia-iturri gisa erabiltzea. Petronor buru duen ekimen estrategiko baten barruan eta Tecnaliaren aholkularitza teknologikoa izanik, proiektuaren aztergaiak hidrogenoaren sorrera, banaketa eta azken erabilera behar bezala konektatu eta kudeatuko duen hidrogenozko ekosistema bat sortzeko soluzio fisikoak eta digitalak dira.
Auxema Stemmann konpainia tresneria mugikor industrialerako soluzioak diseinatzen eta fabrikatzen espezializatua da, elikadura elektrikoari eta datuen eskualdaketari dagokienez. Ibilbide luzea du egina itsas-logistikaren arloan, eta berrikitan proiektu bat aurrera eraman du Vietnamen, garabien eta portuko ekipoen elektrifikazioan ardaztua.
Revenant 2022an Gordexolan sortu zen startupa da, edukiontzietarako manipulatzaileen, tona askoko orgen eta energia alternatiboek higiarazitako barne-logistikako soluzioen birmanufakturan espezializatua.
Gosanek berrikuntza-proiektu bat bultzatu du, Ortuellan daukan lantegian tenplaketa-prozesua internalizatzean zentratua, zeren eta orain arte azpikontratatu egiten baitzuen eta kanpoko hornitzaileekiko mendekotasuna sorrarazten baitzion tratamendu horrek.
La Magdalena enpresa aitzindaria da nekazaritzako makineriak erabiltzen dituzten cardan transmisio-ardatzak diseinatzen, fabrikatzen eta merkaturatzen. Txapeldun ezkutua bere sektorean, 60 herrialde baino gehiagotan dihardu, eta berrikuntzaren aldeko apustu gogorra egiten du, hazkundearen eragiletzat jota.
Beazek saria jaso du Espainiako Zientzia, Unibertsitate eta Berrikuntza Ministerioak eta CDTI Innovación Zentroak antolatutako Berrikuntzaren Erosketa Publikoaren VII. Foro Iberoamerikarrean. Foro hau erreferentziazko topaketa da gaztelaniaz hitz egiten duen munduko kontratazio publiko berritzailearen esparruan.
Enpresentzako Bizkaired Bizkaia Sarean 2023 sariaren 13. edizioko epaimahaiak erabaki du Beazi ematea aintzatespen hori erakundeen kategorian. 2023ko Human Hub sariari gehitu behar zaio saria.
Necsum arte digitaleko eta entretenimenduko estudioa da, eta ingeniaritzako, arkitekturako, diseinuko eta arteko profesional-talde batek sortu zuen 2019an, esperientzia teknologiko paregabeak diseinatzeko eta gauzatzeko.
