Albisteak archivos

Berrikuntza irekia – BIOK! erronka. DomusVi

Berrikuntza irekiaren erronka berri bat abiarazi genuen, BIOK! plataformaren bidez, oraingoan DomusVi enpresarekin batera, eta, berriz ere, Nagusi Intelligence Centerrarekin lotuta.

Bizkaia Enpresa 2024 – Digitalizazioaren botere eraldatzailea

Urtero bezala, azken hamahiru urteotan egin denez, Beazek hainbat enpresa eta pertsona ekintzaile bildu ditu Bizkaia Enpresa deritzon topaketan. 2024ko leloa izan da “Digitalizazioaren botere eraldatzailea”, eta horren inguruan, jasangarritasunasren inguruan eta talentuaren inguruan izan dira jarduera gehienak. Ekitaldian, halaber, ON Bizkaia sariak ere eman dira, eta agertokia izan da Bizkaiko Foru Aldundiak enpresa-sarearekin duen konpromisoa berresteko.

Startup baten ibilbidearentzat ON Bizkaia saria: Nuuk Mobility Solutions

Nuuk Mobility Solutions startupa 2012. urtean sortu zen ibilgailu elektrikoak merkaturatzeko. Ingeniaritzako berezko taldea eratu ondoren, enpresa hiri-garraioaren efizientzia eta jasangarritasuna hobetzeko teknologiak garatzen espezializatu zen.

Trantsizio digitaleko proiektuarentzat ON Bizkaia saria: PEVASA

PEVASA Bermeoko enpresa da, eta tunido tropikalak arrantzatzen dihardu. Betiere arrantza arduratsuaren abangoardiari erreparatuz, hornidura-katea iraultzatu duen soluzio digitala inplementatu du. Berrikuntza irekirako BIOK! erronkaren esparruan egin du, Code Contract eta bere Trackline plataformarekin batera.

Berrikuntza- eta hazkuntza-proiektuarentzat ON Bizkaia saria: Jeremias España

2007. urtean, Jeremias España, sortu zen Jeremías GmbH Alemaniako industria-taldearen barruan. Izan ere, berokuntzaren eta aireztapenaren sektorean marka liderra da. 2021ean, Iurretan produkzio-planta inauguratu zuen. Taldearen barruan modernoena eta automatizatuena da. Gainera, 5 fabriketatik handienetarikoa da eta Europan sektorean produkziorik handienetarikoa du.

Nazioartekotze-proiektuarentzat ON Bizkaia saria: Sparber Líneas Marítimas

Sparber Group enpresa-talde bat da, eta garraio-modu anitzen logistika eta garraioan espezializatuta dago. Izan ere, Sparber Líneas Marítimas taldeko negozio-unitate nagusia da, besteak beste, honako zerbitzu hauei esker: itsas multzoketa eta edukiontzien karga osoak.