Beazkideak: aurrera egiteko asmoa

Laguntzen diegun eta gure inguruan dauden Bizkaiko enpresei eta startupei Beazkideak esaten diegu. Hemen bere jarduera eta lorpen nabarmenenak zabaldu nahi ditugu

ON Bizkaia 2022 sariak

2020an, Beaz-ek 1 124 proiektu ebaluatu zituen, eta 767 garapen-fasera igaro ziren. Proiektu horien atzean dauden 893 enpresa eta erakundeek Ekonomia Sustatzeko Sailak bultzatzen dituen foru programen babesa izan zuten. On Bizkaia sarietako epaimahaiak horietako sei saritzea erabaki du, proiektuek erakundean bertan izan duten eraginagatik eta erakundeak Bizkaian jarduera ekonomikoa eta enplegua sortzen egindako ekarpenagatik. […]

Ekasa

“Zero Papel” proiektua martxan jartzea, paperaren eta inprimagailuen erabilera erabat deuseztatzeko, enpresak irekita dituen jendaurreko 64 lokaletan. Horretarako, digitalizazio-prozesu bat burutu dute eta lan-prozesu berriak ezarri dituzte.

Euskooters Mobility

Startup honek turismora bideratutako patinete elektrikoen alokairu partekatuko sistema bat garatu du. Mugikortasun jasangarriko aukera bat proposatzen dute hiritik mugitzeko, bisitatzen gaituztenei aukera emanez modu desberdinean mugitzeko, arinago eta emisiorik sortu gabe. Euskooters Mobility

Lantegi Batuak Fundazioa

Maskaren bilketa eta birziklapena Osakidetzaren osasun-zentro eta ospitaleetan. Horietatik, hondakinen tratamendurako planta batera eramaten dira, pirolisi bidez erretzeko. Prozesu horrekin, plastikoa tenperatura altuetara deskonposatzen da eta erabilera industrialerako olio bat lortzen da. Fundación Lantegi Batuak

Basq sneakers

Enpresa honek birziklatutako materialekin erabat egindako kirol-zapatilak diseinatzen, fabrikatzen eta saltzen ditu: plastikozko botila zaharrak; kotoi organikoaren hondakinak edo baztertutako pneumatikoak. Uste dute moda planeta zaintzeko tresna bat dela. Enpresaren ingurumenarekiko konpromisoa enpresa-erabaki guztietan islatzen da.

Ekobideak

Kooperatiba txiki honek geologia eta ingurumena sustatzen ditu, turismo geologikoko eta ingurumen-hezkuntzako zerbitzuak emanez. Sentsibilizazio-, kontzientziazio eta hezkuntza-proiektuak garatzen dituzte, uneoro bilatuz garapen jasangarria. Europa mailan jasangarritasunaren eremuan ziurtatutako Euskadiko enpresa bakarra dira. Ekobideak

OnTour Up

Plataforma teknologiko hau diseinatuta dago aisialdi segurua kudeatzeko, jardueraren erabiltzaile zein sustatzaileen esperientzia hobetzeko eta jasangarritasunean laguntzeko, erabat digitalizatuz erosketa- eta ordainketa-prozesuak eta edozein ekitaldirako sarbide-prozesuak: paperik, plastikozko eskumuturrekorik eta ilararik gabe. OnTour Up

Roseo Eólica Urbana

Enpresa hau EHUko Energia Berriztagarrien Ingeniaritzako Graduan sortu da eta etxebizitza-eraikinen goiko partean aerosorgailuak instalatzea planteatzen du. Bere helburua da eraikinek bere energia sortzea, modu garbi eta seguruan. Roseo Eólica

Izaro Sub

Kirol-sozietate honek ekimen desberdinak garatzen ditu ingurumena eta itsas ingurunea babesteko eta garbitzeko. Besteak beste, Zero Plastiko Urdaibai ekitaldia antolatzen du, milaka boluntario biltzen dituena urtero Urdaibaiko kostalde osotik egiten den plastikoen bilketan. Izaro Sub

Azti

AZTI zentro teknologikoak eta Lovainako Unibertsitateak Enviroscore garatu dute; ingurumen-etiketatzeko sistema honek aukera ematen du erraz ezagutzeko elikagaien eta edarien ingurumen-jasangarritasun maila saltokian bertan eta, gainera, kontsumo eta produkzio arduratsuak sustatzen ditu. Azti/

Arteche Teknologia Zentroa

Likido biodegradagarri berrien analisia, tentsio altuko isolamenduetan aplikatzeko, fluido dielektrikoa biodegradagarri batekin ordezteko helburuarekin eta transformadoreko gainerako osagaietan duen eragina aztertzeko: eraginkortasuna; materialen bateragarritasuna; diseinua; diagnostiko-estrategiak eta iraunkortasuna. Arteche Centro de Tecnología

Six To Go Solutions

Enpresa honek prestazio altuko litio-bateria jasangarriak diseinatu, garatu eta fabrikatzen ditu.  Gaur egun, baterien % 5 baino ez dira birziklatzen. Alterityk arazo hori konpontzen du bateria bat diseinatuz, berriz fabrikatua eta berrerabilia izateko prest dagoena, horrela bere bizitza-zikloa ahalik eta gehien luzatuz. Alterity

Beaz

DOAKOA
IKUSTEA