P.Q.C. Power Quality Controlek H2 Integra proiektuan parte hartzen du, ardatz hartuta hidrogeno berdea datu-zentroen energia-iturri gisa erabiltzea. Petronor buru duen ekimen estrategiko baten barruan eta Tecnaliaren aholkularitza teknologikoa izanik, proiektuaren aztergaiak hidrogenoaren sorrera, banaketa eta azken erabilera behar bezala konektatu eta kudeatuko duen hidrogenozko ekosistema bat sortzeko soluzio fisikoak eta digitalak dira. Zehazki, PQCk bere I+G+B ahalmena aplikatzen du hidrogenoa energia-iturri nagusi edo osagarri gisa integratzen duten erabilgarritasun handiko datu-zentroak diseinatzera eta eraikitzera bideratutako ad hoc prozesu bat garatzeko. Horrela, energia-trantsiziorako ezinbestekoak diren azpiegitura jasangarrienen oinarriak finkatu dira, 2030erako Europako deskarbonizazio-helburuen ildotik.
