Bizkaia Open Future_k Bizkaia Open Future_ Berrikuntza eskaera irekia plazaratu du, oraingo honetan GHI Smart Furnaces-ena (GHI).
GHIk 80 urte baino gehiago daramatza labe industrialak diseinatzen, fabrikatzen eta abian jartzen. Gaur egun Galdakaoko ingeniaritza hau munduan erreferentzia da hainbat segmentutan, besteak beste aluminioaren birziklapenean. Hain zuzen ere, negozio-ildo horretan kokatzen da Eskaera.
Aluminioa galdatzeko erabiltzen diren labe industrialen artean birakari baskulatzaileak daude; horietan, langile batek eskuz eragiten duen kargagailu baten bidez iraultzen da materiala. Egiaztatutako irizpideetatik abiatuta, zein den kargatzeko une egokiena era objektibo batean finkatzea da erronka, eta hauxe haren izenburu zehatza:
Nola lagundu diezaiokete teknologia berriek GHI Smart Furnacesi beren labe birakarien karga-prozesua optimizatzen?
Proposamenak aurkezteko epea azaroaren 28ra arte dago zabalik. Bi aste lehenago,
hilaren 12an, asteartean, informazio-jardunaldi bat antolatu dugu BIC Bizkaia Ezkerraldean, GHI eta BOF_eko lantaldeekin.
Ekintzailea, startup bat, ETE bat, unibertsitatea edo zentro teknologikoa bazara, Berrikuntzarako Eskaera Ireki honetan parte hartzera animatzen zaitugu berriro. Gogoa izanez gero, zure proiektuaren benetako pilotu bat egin ahal izango duzu, GHIren bidez ordainduta, eta 15.000 euroko saria lortu, eta, baldintzak betetzen badituzu, Bizkaiko Foru Aldundiaren laguntzak eskuratzeko aukera izango duzu.
