Infobeaz

Bizkaia Enpresa 2016 bilera

bilera16Otsailaren 18an Beazek  5. Bizkaia Enpresa Bilera burutuko du BECen, enpresei informazioa emateko, saritzeko eta haiekin batera hausnartzeko. Aurreko edizioetan bezala, ekitaldiak hiru atal ezberdin izango ditu eta gai nagusi bat: antolakunde handien eta startupen arteko lankidetza berrikuntza dinamizatzeko tresna legez.

Imanol Pradales, Ekonomi eta Lurralde Garapeneko diputatuak emango dio hasiera ekitaldiari eta, enpresa lankidetzari buruz duen ikuspegia azaltzeaz gain, 2016. urtean Bizkaian ekonomia berpizteko eta lanpostuak sortzeko baliatuko diren foru diru-laguntzak aurkeztuko ditu, guztira 49 milioi eurokoak izango direnak.

Ondoren Beazek ON Bizkaia enpresa sariak banatuko ditu ditu, gure Lurraldean jarduera ekonomikoa eta lanpostuak sortzen egindako ekarpenarengatik Bizkaiko enpresa txiki eta ertainak goraipatzeko. Beste sei enpresa egongo dira aurreko urteetan laudatuak izan diren 12ekin batera eta saria jasoko dute: aholkulari adituen laguntzarekin enpresa bizkortzeko sei hilabeteko jardun mamitsua.

Amaitzeko, mahai-inguru bat izango da eta bertan jada finkatuta dauden lau antolakundek lankidetzak haien berrikuntza eta garapen estrategietan duen betekizunaz hitz egingo dute eta bertoko ETE eta startupen arteko egiazko lankidetza kasuak erakutsiko dizkigute.

, , ,
Beaz

DOAKOA
IKUSTEA