Irailaren 30era arte zabalik egongo da epea autonomoei zuzendutako mikrokredituak eskatzeko. Neurri hori Bizkaiko Foru Aldundiak abian jarritako Bizkaia Aurrera! Planaren barruan sartzen da, lurraldearen suspertze ekonomikoa bizkortzeko.
Autonomoentzako mikrokredituek 5 milioi euroko zuzkidura dute, eta pertsona edo erakunde onuradun bakoitzeko 7 500 € arteko laguntzak aurreikusten dituzte.
2019an 20.000 €-tik beherako etekin garbia izan duten, gehienez 5 enplegu dituzten eta egoitza fiskala Bizkaian duten pertsona autonomoak izan daitezke onuradunak.
Gastu finantzagarritzat jotzen dira merkataritza-, ekoizpen- edo antolaketa-suspertzen laguntzen dutenak, hala nola negozio-lokalaren errentamendua, langile-gastuak, lokaletan segurtasun-neurriak hartzea, espazioak berregokitzea edo holtzak edo makina desinfektatzaileak jartzea.
Interesik gabe, komisiorik, abalik eta bermerik gabe, 5 urteko amortizazio-epearekin eta urtebeteko gabealdiarekin, mikrokredituek oso baldintza onuragarriak eskaintzen dituzte.
Lehia askeko araubidean ematen dira, eta Ekonomia Sustatzeko Sailak kudeatzen ditu, Beaz elkartearekin lankidetzan.
