Turismoaren sektorea da osasun-krisiak gehien eragiten dienetako bat. Osatzen duten enpresei laguntzeko, Bizkaiko Foru Aldundiak 700 000 euroko diru-laguntza programa ezarri du turismoa garatzeko. Eskaerak egiteko epea zabalik dago.
Zuzeneko laguntza horri beste suspertze-neurri batzuk gehitu behar zaizkio, hala nola enpresa txikientzako eta autonomoentzako mikrokredituak, turismo- eta ostalaritza-establezimenduetan kontsumoa sustatzeko bonuak, barne-turismoko plana edo helmugako turismo-garapenerako programa.
Oro har, dekretuaren helburua turismo-bulegoek, landa-ostatuek, turismo aktiboko enpresek, turismo-gidariek, hotelek eta jatetxeek eskaintzen dituzten zerbitzuak eta eskaintza hobetzeko proiektuak garatzen laguntzea da.
Zehazkiago, lurraldeko baliabideei balioa emango dieten eta Covid-19k ezarri dituen mugikortasun- eta segurtasun-eskakizun berrietara egokituko diren ekimenak bultzatu nahi ditu, horien artean Bizkaia helmuga digital bihurtzea nabarmenduz.
