Beazek saria jaso du Espainiako Zientzia, Unibertsitate eta Berrikuntza Ministerioak eta CDTI Innovación Zentroak antolatutako Berrikuntzaren Erosketa Publikoaren VII. Foro Iberoamerikarrean. Foro hau erreferentziazko topaketa da gaztelaniaz hitz egiten duen munduko kontratazio publiko berritzailearen esparruan.
Sariak – BEP Ibilbideko III. Sariak, BEP Eskaintzaren Prestakuntza kategoria – Beazek Berrikuntzaren Kontratazio Publikoaren arloan duen prestakuntza-ibilbidea nabarmentzen du. Ibilbide hau aitzindaria da estatuan eta gaikuntza ematen die enpresei BEPren benetako aukerak eskuratzeko.
Programak gida duala, prestakuntza teknikoa eta estrategikoa eta administrazio publikoekiko benetako aukera eta simulazioen radarra biltzen ditu.
Sei edizio egin ondoren 87 enpresak 250 prestakuntza-ordu baino gehiago jaso dituzte eta dagoeneko 5 milioi euro baino gehiagoko esleipenak lortu dituzten partzuergoak sortu dira.
Sariak Bizkaiaren nazioarteko posizionamendua indartzen du eta lankidetza-aukera berriak irekitzen ditu, hala nola BID Garapenerako Banku Interamerikarrak Bilbon startup iberoamerikarrekin tailerrak egiteko egindako proposamena.
Ainara Basurko diputatuak azaltzen duenez, Beazen Kontratazio Publikoko Prozesuetan Gaitzeko Programa “zerbitzu bakarra da, gure ETEak eta startupak bultzatzeaz gain, lurraldea berrikuntzaren erosketa publikoan nazioarteko erreferente gisa proiektatzen duena. Benetako aukerak sortzen dituen, talentua erakartzen duen eta gure enpresak inpaktu handiko proiektuetan kokatzen dituen lankidetza-eredu publiko-pribatu baten alde egiten duena”.
