Seriesland 2021

Ekitaldiak kargatzen

« Ekitaldiak guztiak

  • Ekitaldi hau amaituta dago

Seriesland 2021

18 urria/8:00 am - 22 urria/6:00 pm

SERIESLAND, Bilboko Nazioarteko Webserieen Jaialdia, urrian itzuliko da bere urteroko hitzordua betez; aurtengoa ekitaldiaren zazpigarren edizioa izango da. Formatu hibridoan egingo du. Online plataforma batek aukera emango du lehiaketarako webserieak urrunetik ikusteko eta etxetik eta streaming modalitatean ekitaldi guztietara joateko; horrek covid-aren aurkako neurrien ondorioz Bilbora joateko zailtasunak dituzten pertsonen parte-hartzea erraztuko du.

Urriaren 18tik 22ra bitartean berriz ere Bizkaiko hiriburua Internet bidez banatzeko sortutako ikus-entzunezko ekoizpenaren nazioarteko erreferentzia izango da. Lau kontinentetako hogeita hamar herrialdetatik datozen 120 titulu inguru izango dira, sail ofizialean eta berariaz sorkuntza independentean, ez-fikzioaren atalean, trailerretan eta euskal ekoizpenari eskainitakoan lehiatuko direnak. “Otsoek” Oscar sariak ordezten dituzte sorkuntza digitalaren unibertsoan, kategoria berberetan sariak emanez: serie, zuzendaritza, aktore-lan, ekoizpen, soinu, soinu-banda… onenak.

Baina SERIESLAND, lehia-atalarekin eta estatuatxoak banatzen diren amaiera-galarekin batera, ohiko jaialdi bat baino askoz gehiago da eta eduki digitalen nazioarteko merkatua eta sektoreko puntako enpresentzako topagunea ere bada. Aldi berean, antolatzen diren ponentzia eta hitzaldi espezializatuen bidez, hausnarketa-foroa da eta lehiaketara bertaratzen diren eragileen artean aukera ematen du networking-saioen bidezko konexioa garatzeko. Era berean, DIMA bezalako ekimenak sartzen ditu; DIMA nazioarteko mezenasgo-plataforma bat da, ikus-entzunezkoen eta formatu berritzaile berrien arloetako talentuek finantzaketa, koprodukzioa eta banaketa izan dezaten.

Hiriko hainbat gunetan banatutako jarduerak dira baina egoitza nagusia Bilborock aretoa da, eta webserieetan interesa duten guztientzat sarrera librea eta doakoa izango duten saioen eskaintza zabala eskaintzen du.

Xehetasunak

Hasiera:
18 urria/8:00 am
Amaiera:
22 urria/6:00 pm
Kategoria Ekitaldi:
Ekitaldi etiketak:
,
Beaz

DOAKOA
IKUSTEA