Urriaren 17ra arte, zabalik dago Teknologia Sortzaileen Nazioarteko Jaialdian proiektuak aurkeztu ahal izateko epea. Jaialdi hori Maker Faire Bilbao Open Espazioaren ekimen bat da, eta bertan, kultura garaikidea, teknologia eta gizarte-alderdiak nahasten dira, eta bere xede nagusia inguruaren aldaketaren eragilea izatea da.

Horretarako, 2013az geroztik, Open Espazioak eta Make aldizkariak topaketa hau antolatzen dute Bilbon —azoka zientifikoaren eta arte-jaialdiaren erdibidean—. Bertan, kultura digitalaren eta teknologien erabilera sortzailearen inguruko mota guztietako proiektuak barne hartzen dira; tokikoak, estatu-mailakoak zein nazioartekoak.

Aurtengo edizioa urrian eta azaroan egingo da eta formatu mistoa izango du. Maker Faire Bilbao 2021 Artiach Fabrikako bere egoitzara itzuli da, Zorrotzaurreko Uhartean; baina online programazioa mantentzen du. Bi kasuetan, izen-emateak dagoeneko zabalik daude. Workshopak itzuli dira, ezagutzera emango diren sektoreko profesional garrantzitsuenetako batzuekin eta publiko guztientzako hainbat jarduerarekin.