Maiatzean 2019ko Gizarte Ekintzailetza eta Berrikuntza foru programan eskaerak egiteko epea zabalduko da. Oraindik bi hilabete falta dira, baina diru-laguntzaren berritasunak kontuan hartuz martxoaren 4an bilera antolatu dugu Beazen Bizkaiko gizarte erakundeekin. 

Dekretuan agertzen diren ekite-ildo berriez hitz egingo dugu, bereziki erakunde onuradunen profilaren zabaltzeaz eta ordezkaritza gehien duten antolakundeei ematen zaien laguntzaz.

2019ko deialdian gizarte berrikuntza dakarren produktu/zerbitzu bat garatzen duten pertsona fisiko eta enpresen proiektuak onartuko dira, haien gizarte helburua edozein delarik. Gizarte erakunde talde bat elkartzen duten elkarte, federazio eta sareen lana ere bultzatuko da.

Jardunaldian parte hartzeko izena eman dezakezu lotura honetan.

2019ko Gizarte Ekintzailetza eta Berrikuntza foru programan eskaerak egiteko epea maiatzaren 6tik ekainaren 21era egongo da zabalik.