Ondoko hauek izan dira Diseinuaren Nazioarteko IV. Maier Lehiaketaren irabazleak: “Flysch Design”, profesionalen kategorian; “Cintiyo-Indian Public Transportation”, ikasleen kategorian; eta “Locta”, materialen erakusgairik onenarenean.
Besteak beste, Frantzia, Italia, Alemania, Britainia Handi, Espainia, Txina, Kanada, Mexiko eta Brasilgo 149 proiektuk parte hartu dute guztira. Honakoak dira proiektu irabazleen egileak: Daniela Hermannn eta Jon Artamendi, bata diseinatzailea eta bestea automozio arloko teknikaria; Marion Lenne, Nicolas Schmitt, Maxence Hoet, Clement Delporte eta Martin Duhayon, Diseinuaren Rubika Institutu Goreneko ikasleak; eta Alya Ennouri eta Arnaud Deshayes, Reims hiriko ‘École Supérieure d’Art et de Design’ deritzon eskolako ikasleak.
