Maiatzaren 27an Bizkaia Enpresa 2021 topaketa antolatu dugu. Hamargarren urteurrenera aldaketarako espirituarekin iritsi da hitzordua, baina bere funtsari eutsiz. Beazek 2011n sortu zuen, Bizkaiko Foru Aldundiaren eta Bizkaiko enpresa eta pertsona ekintzaileen arteko lotura sendotzeko asmoz. Ideia hori oraindik ere funtsezkoa da elkartzeko nahia ulertzeko. Aurrez aurre, birtualki edo bi formatuetan, oraingo honetan gertatuko den bezala.
Urtero bezala, enpresei laguntzeko dituen lehentasunei buruz hitz egingo du Aldundiak, ON Bizkaia sariak emango ditugu eta gai estrategiko bati buruz hausnartuko dugu. Ezerk ez du hobeto definitzen azken 12 hilabeteetan bizi izandako egoera, aldaketara egokitzea baino. Hori da, beraz, 2021eko gaia.
Aparteko errekonozimendu batek, Esker On delakoak, 20 enpresek COVID-19k ezarritako aldaketei aurre egiteko euren aletxoa eman duten 20 enpresaren erabakia goraipatuko du.
