Maiatzaren 2an Trantsizio Digitala eta Berdea programan eskaerak egiteko epea zabalduko da. Ekonomia Sustatzeko Sailak sustatzen du enpresei digitalizazio-proiektuak eta ingurumen-berrikuntzako proiektuak bultzatzen laguntzeko xedearekin, beren lehiakortasuna hobetu dezaten eta aztarna ekologikoa murriztu dezaten.
Laguntza egoitza Bizkaian duten eta 5 eta 250 pertsona arteko plantilla duten ETEentzako pentsatua dago. Mailaz mailako konplexutasun-ibilbide bat bezala planteatua, lau babes-ildo barne hartzen ditu:
- digitalizaziorako eta ingurumen-berrikuntzarako planen garapena
- oinarrizko digitalizazio-proiektuak
- digitalizazio aurreratuko proiektuak
- ingurumen-berrikuntzako eta ekonomia zirkularreko proiektuak
1 eta 2 lineetan eskaera egiteko epea uztailaren 31n amaituko da; 3 eta 4 lineetan (konkurrentzia lehiakorra) maiatzaren 20an.
Programaren aurrekontua 4 milioi eurokoa da; proiektu bakoitzeko 100.000 eurorainoko laguntzak barne hartzen ditu.
Aztertu zure proiektua Beazko lantalde teknikoarekin batera!
