Innovation Bridge programaren esparruan, Beazek deialdia abiarazi du Bizkaiko bost startup 2026ko Slush ekitaldira laguntzeko. Zehazki, Slush Europako ekitaldi teknologiko garrantzitsuenetakoa da, eta 2026ko azaroaren 18an eta 19an izango da Helsinkin.
Hautagaitzak aurkezteko epea ekainaren 8tik uztailaren 23ra egongo da zabalik.
Slush teknologia- eta ekintzailetza-ekosistemaren nazioarteko topaketa garrantzitsuenetako bat da, eta urtero biltzen ditu berrikuntzaren funtsezko milaka ekintzaile, inbertitzaile eta eragile. 2026ko edizioan, “Bet on Europe” lelopean, 12 000 parte-hartzaile baino gehiago biltzea espero da: 5.800 founder eta operadore baino gehiago, 3 300 inbertitzaile eta 2 100 ekosistemako partner eta eragile baino gehiago.
Beazek aukeratutako startupek hartu ahalko dute parte; besteak beste, betekizun hauek bete beharko dituzte: 10 urteko antzinatasuna izatea, gutxienez bi enplegu sortu izatea, teknologia digitalak erdigunean jartzen dituen balio-proposamen berritzailea izatea, jada balioztatutako gutxieneko produktu bideragarria izatea neurketekin eta inbertsio-erronda zehazteko fasean egotea.
Ekitaldiaren egunetan, statupek aukera izango dute inbertitzaileekin eta ekosistemako beste eragile batzuekin benetako konexioak egiteko, Europako agertoki garrantzitsuenetako batean ikusgarritasuna irabazteko eta euren soluzioak nazioarteko ingurune batean baliozkotzeko. Gainera, Slush 100 deritzon startupen lehiaketan parte hartzeko eskatu ahal izango dute.
Horrez gain, 1 000 eurorainoko laguntza jasoko dute bidaia- eta ostatu-gastuen zati bat ordaintzeko.
