Innovation Bridge programaren barruan, Beaz-ek ekimen berri bat jarri du abian, eta horren bidez, Bizkaiko 5 startup-ek parte hartu ahal izango dute Web Summit Lisbon 2025 ekitaldian, nazioarteko mailan garrantzi handiena duen teknologia eta ekintzailetza topaketetako batean.
Hautagaitzak aurkezteko epea: irailaren 12ra arte, 12:00etan.
Web Summit Lisboan egingo da, 2025eko azaroaren 10etik 13ra, eta espero da 70.000 lagun baino gehiago, 1.000 inbertitzaile eta teknologia arloko ehunka enpresa liderren parte-hartzea. Ekitaldiaren balio nagusietako bat da sortzen diren nazioarteko konexioak eta networking aukera zabala. Horrez gain, Startup Programme izeneko programa espezifikoa eskainiko zaie startup-ei, ikusgarritasun eta hazkunderako aukera anitzekin.
Beaz-ek hautatutako startup-ek izango dute programa horretara sartzeko aukera: gehienez 10 urteko ibilbidea duten Bizkaiko enpresek, gutxienez bi lanpostu sortuta, teknologia digitaletan (AA, IoT, Quantum…) oinarritutako proposamen berritzaile bat, merkatuan balioztatuta dagoen MVP bat, eta inbertsio-ronda definitzen ari direnak, beste baldintza batzuen artean.
Web Summit-ek iraungo duen lau egunetan, hautatutako startup-ek mentoretza-saioak, masterclass-ak, inbertitzaileen aurrean beren proiektua aurkezteko aukera, eta pitch lehiaketetan parte hartzea izango dute eskura. Gainera, egun batez erakusmahai edo stand bat izango dute beren proiektua aurkezteko, eta ekitaldiaren aplikazioaren bidez sare profesional zabalera sarbidea izango dute.
Horrez gain, 1.000 eurora arteko diru-laguntza jasoko dute bidaia eta ostatu gastuak estaltzeko.
