Beazek, Ormazabalekin lankidetzan, berrikuntza irekiko BIOK! erronka berri bat jarri du abian, proiektuak aurkezteko azken eguna ekainaren 11 izanik.
Hau du enuntziatu: Nola alda dezake Ormazabalek inbentarioen egungo kudeaketa, eskuzko eredu estatiko batetik sistema dinamiko, prediktibo eta automatizatu baterantz eboluzionatzeko?
Helburua inbentarioak kudeatzeko irtenbideak identifikatzea da, kostuak murriztuko dituen eta erabakiak hobeto hartuko dituen iragarpen-sistema automatizatu baten bidez.
Deialdia ekintzaileei, start-upei, ETEei eta enpresa teknologikoei irekita dago, baldin eta erronka konpontzen lagun dezaketen proposamenak badituzte. Proiektuak aurkezteko epea ekainaren 11an bukatzen da.
Uztailaren amaieran enpresa irabazlea iragarriko da, eta hark aukera izango du bere konponbidea benetako ingurune batean baliozkotzeko, 15 000 €-tik beherako proiektu pilotu bat garatuz.
Informazio-jardunaldia
Erronkaren enuntziatuan sakontzeko eta zalantzak argitzeko asmoz, informazio-jardunaldia antolatu dugu, online, maiatzaaren 27an.
