Martxoaren 25ean, Beaz buru duen Interreg Europa proiektu honen lehen fasearen amaiera markatuko duen webinarra egingo du Cohes3ionek, maila anitzeko gobernantza hobetzeko eta, horrekin batera, Europar Batasunak bultzatutako espezializazio adimenduneko estrategien inpaktua hobetzeko.

2019ko udazkenean hasi zen, eta urte eta erdiz jardun dute proiektuaren bazkideek politika publikoetan eta gobernantzan esperientziak trukatzen, eta lurralde-mapa adimendun bat definitzen, sinergiak eta osagarritasunak identifikatzeko. Publikoari irekitako webgunean ondorioak aurkeztuko dira.

Horren ondoren, proiektuaren bigarren faseari ekingo zaio. Proiektuaren helburua ezagutza hori erabiltzea da, parte hartzen duten 8 eskualdeetako bakoitzean lurralde-ekintzarako plan bat garatzeko eta ezartzeko: Bizkaia -Beaz, AzaroFundazioa eta Orkestra-, Calabria, Stockholm, Gales, Irlanda, Ruhr, Nord-Vest Errumania, eta Varsovia.