Euskal Autonomia Erkidegoak martxoaren 2tik 5era parte hartuko du 4YFN deiturikoan, Mobile World Congress Barcelonaren esparruan startupei begira antolatuko den nazioarteko erreferentziazko ekitaldian.
Eusko Jaurlaritzaren, SPRI Taldearen eta Arabako, Bizkaiko zein Gipuzkoako Foru Aldundien bitartez, ekintzailetzaren eta berrikuntzaren alde egiteko ekosistema aurkeztu du lurraldeak, garapen bidean dauden teknologiei dagokienez duen jarrera irmotuta.
“Startup Innovation Land” lelopean, EAEk proiektu berritzaileak sustatzera bideratutako lankidetza publiko-pribatuaren eredua eta nazioartean daukan proiekzioa erakutsiko ditu.
Euskal standak (Hall 8.1, 8.1B11 standa) aukera emango du 900 startup baino gehiago dituen ekosistema bat eta ikerketa-zentroen eta laguntza-agenteen sare zabal bat ezagutarazteko. Gune horretan hiru lurraldeetako hamabi startupek parte hartuko dute, osasunaren, zibersegurtasunaren, industriaren eta jasangarritasunaren arloetatik datozenak.
Bizkaiko ordezkarien artean Baisma, Nymiz, QCentroid eta SamiraDTX. egongo dira.
