Bilbao Bizkaia Design Week lurraldeko sormen-industriaren eta diseinuaren urteroko topaketa da. Azaroaren 20tik 28ra, #BBDW25-ak hitzaldi, erakusketa, tailer eta networking guneak hartuko ditu, enpresari, kulturari, hiriari, industriari eta teknologiari aplikatutako diseinuari buruz.
Aurtengo edizioaren leloa “Biotik Design. Larrialditik Biziberritzera” da, eta diseinuaren potentzial eraldatzailea erakustea eta paradigma-aldaketa bultzatzea du helburu: diseinua kontsumo-tresna gisa erabiltzetik diseinua bizitzari eusten eta bizimodua errazten duen indar gisa baliatzera, betiere “etorkizun oparoak birsortzen, irudikatzen eta eraikitzen lagunduz”.
