Abian da Inbertsio-txandaketan gaikuntza-zerbitzuaren deialdi berria. Zerbitzu hau Bizkaian egoitza duten eta hazkunde-erronkei aurre egin eta finantzaketa-iturriak zabaldu nahi dituzten startup berritzaileei zuzenduta dago, inbertsio-rondak definituz kapital berria lortzeko helburuarekin. Izen-emateak irailaren 19ra arte.
%100ean finantzatuta dagoen programa bat da, eta Bizkaiko hazkunde-prozesuan dauden 20 startupi zuzenduta dago. Bi zatitan banatuta dago: alde batetik, irailatik urrira luzatuko diren 5 lan-saio barne hartzen dituen prestakuntza-blokea; eta bestetik, azaroan egingo den inbertsio-foroa.
Prestakuntza saioetan startupen eta inbertitzaileen arteko erlazioko oinarriei buruz hitz egingo da, kontuan hartu behar diren legezko alderdiak, startupak baloratzeko ereduak eta nola aurkeztu behar den zure proiektua inbertitzaile profesionalen interesa sortzeko. Zenbait startup partaidek zerbitzuaren amaieran egingo den inbertsio-foroan praktikan jarri ahalko dute hori.
“Finantzaketa-txandaketa: nire startupa prest dago?” gida
Startupetarako inbertsio-txandaketen gaikuntza-zerbitzua abiaraziko dela bide, Beazek gida bat editatu du, eta startupek lor ditzaketen finantzaketa publiko eta pribatuen tresna nagusiak ditu. Halaber, gida honetan finantzaketa-txandaketari aurre egiteko urratsak azaltzen dira, gomendio orokorrak eta jardun onen dekalogoa proposatzeaz gain.
