“Barne-ekintzailetza eta berrikuntza negozio-ereduetan” zerbitzuaren edizio berria atera dugu! Hasi da maiatzaren 20rako antolatu dugun informazio-jardunaldian izena emateko epea, abiapuntua izango dena Beazen zerbitzu horretan parte hartzeko.
Proposamena negozio-aukera berriak garatuz eta barne-ekintzailetzaren bidez berritu eta hazi nahi duten enpresa txiki eta ertainei (ETE) dago zuzenduta; hain zuzen gutxienez hamar langile dituztenei eta jarduera industriarekin, garraioarekin, turismoarekin edo handizkako merkataritzarekin lotutako zerbitzuetan oinarritzen dutenei.
Zerbitzua % 100ean dago finantzatuta, bederatzi hilabeteko iraupena du eta hiru fasetan dago banatuta.
Lehenengoan, 30 enpresak lau tailerretan hartuko dute parte online, haien ekintzailetza-gaitasunaren autodiagnostikoa egin ahal izateko.
Horietako zazpik bakarrik jarraituko dute bigarren eta hirugarren etapetan gaitzen. Fase horietan, beren negozio-eredua berritzeko aukera-eremuak identifikatuko dituzte. Indar handiena duena lehenetsiko dute, garatzeko, eta une oro izango dute kontsula-enpresa aditu baten laguntza.
