Urriaren 18an, Sarrikoko Unibertsitateak Zitek proiektuaren barruan prestakuntza emateko jardunaldi bat eskainiko du: “Konputazio kuantikoa eta horren aplikazioa ekonomian, enpresan eta finantzetan”.

Teknologia hori Ekonomia eta Enpresa Fakultateko irakasle, doktoregai eta ikasleei hurbiltzea da helburua.

Horretarako, 10:00etatik 18:00etara bitartean hainbat ekintza egongo dira: aurkezpenak, mahaiinguru bat, konputazio kuantikoan oinarritutako ekintzailetza finantzarioko kasu arrakastatsuak eta 2 qubit-eko ordenagailu kuantikoarekin aritzeko aukera emango duen tailerra.