Otsailaren 17ra arte zabalik egongo da epea Prestaekin programan izena emateko. Bizkaiko Foru Aldundiak ekintzaileei laguntzeko sustatzen duen trebakuntza-programetako bat da Prestaekin.

Prestakuntzak (doakoa) enpresa-ideien azterketa kritikoa, komunikazioa, marka-irudia, Lean ekintzailetza, finantzaketa/inbertsioa bilatzea, marketin digitala eta finantza-analisia jorratzen dituzten zazpi modulu biltzen ditu.

Gai bakoitzari 8 ordu eskainiko zaizkio, bi jardunalditan banatuta. Online izango dira, asteazkenetan, 2021eko otsailetik ekainera bitartean.

Prestaekin programan sartzeko, enpresa berriak sortzeko 2019ko eta 2020ko foru-programen laguntza jaso behar izan da; prestakuntza 2020an hasita eduki behar da; edo Beazek kudeatutako sareko inkubagailuren batean kokaturik egon behar da.