BIC Bizkaia Beaz enpresak kudeatzen duen inkubagailuetako bat da.  Beste batzuekiko alderik handiena manufaktura aurreratuan eta teknologia garbietan eta bio-mikro-nano teknologian espezializatzea da.  Bizkaiko Parke Zientifiko eta Teknologikoan dago, 6.000 m2 hartzen ditu eta batez beste % 90etik gorako okupazioa du.

BIC Bizkaiak 31 modulu indibidual ditu, hainbat enpresak okupatuak, eta sustatzaileen gela bat, aurre-inkubazio fasean dauden proiektuetarako.  Laborategiak, tailerrak, 3D inprimaketa-gelak, hondakinen biltegiak, espazio komunak, bilera-gelak… Inkubagailua bera eta bertan garatzen den jarduera interesgune bihurtu dira.  Horren erakusgarri dira hilabete bakoitzean hartzen dituen kanpoko jarduera gero eta ugarienak.

Martxorako aurreikusitako bisiten artean daude Hazilan (3), Arratiako Institutua (4) eta Teknologia Parkea bera (11); Joseba Goikouria BIC Bizkaia Ezkerraldeko zuzendariaren bisita (4) edo BIND 4.0 “B2B Sales Training” jardunaldia (9 eta 10).