Uztailaren 5ean, Think Big sariak banatuko dira Bizkaia Aretoan. Sari horien bidez, Zitek ekimenak espiritu ekintzailea sustatu nahi du UPV/EHUko Bizkaiko Campuseko ikasleen artean.

Edizio honetan 32 enpresa-ideiek hartu dute parte. Epaimahaiak aukeratzen dituen lau proposamenik onenek 3000. 2000. eta 1000 (3. eta 4. postuak) euroko sariak jasoko dituzte, hurrenez hurren.

Gainera, ideia enpresa bihurtzea erabakitzen duten taldeek prestakuntza jasoko dute, bai eta finantzaketa bilatzeko aholkularitza ere, eta lanerako espazio bat izango dute Zitek ekimenaren mintegietako batean.