Otsailaren 14an, 14:00etan, Kalifikazio Fiskalen txostenak eskatzeko epea amaituko da, bai I+G+b proiektuentzako, bai erakunde finantzatzaileak kenkaria aplikatzeko gauzatutako jarduerak dituzten I+G+b proiektuentzako. Azken horiei dagokienez, eskaera izapidetu ahal izateko, aurreko ekitaldietan proiektua BEAZen 64 bisean aurkeztuta izan beharko dute.

Gogoratu bi txosten horien bidez 2019ko jarduerak kalifikatuko direla. Txosten horiek doakoak izango dira, baina baita lotesleak ere Ogasun eta Finantza Sailarentzat. Eskaerak Beazen webgunearen bidez izapidetu behar dira.

Beazeko lantalde teknikoa zuen esanetara dago prozesuan zehar sortzen zaizkizuen zalantza guztiak argitzeko.