Martxoaren 9an eta 10ean BIC Bizkaiak B2B salmentei buruzko BIND 4.0 tailerra egingo du, Paul Celen-ek, salmenten kudeaketan eta marketinean espezializatutako aholkulariak, emango duena.

Bere hitzaldian, Celenek go-to-market estrategia edo salmenta ereduen diseinua bezalako gaiak jorratuko ditu, eta enpresa bat merkatuko lider bihurtzen duten gakoak azalduko ditu.

Topaketa hau BIND 4.0 programaren laugarren edizioaren barruan kokatzen da eta 38 startupek parte hartzen dute. Urtarriletik, horiek guztiek azelerazio-prozesu bati jarraitzen diote, eta, besteak beste, prestakuntza-tailerrak eta erreferentziazko enpresetara bisitak egiten dituzte.

Hilaren 10ean bertan, ITP Aero enpresak Zamudion duen egoitza bisitatuko dute.