Martxoaren 9an eta 10ean, Microsoftek Eusko Jaurlaritzaren eta Basque Research & Technology Alliance erakundearen laguntzaz antolatutako “Artificial Intelligence for Earth” tailerra izango da BECen.

Topaketaren helburua IAn oinarritutako proiektu-ideiak sortzea da, Euskadin ingurumen-erronkei aurre egiteko irtenbide teknologikoki berritzaileak garatzeko.

Helburu horretara egokitzen da topaketaren dinamika:  energia berriztagarriei, mugikortasun iraunkorrari, zibersegurtasunari, urari, nekazaritzari eta biodibertsitateari buruzko sei mahai tematiko.

Mahai horietan enpresek osatutako diziplina anitzeko taldeek, startup-ek, teknologia digitaletan eta garapen iraunkorrean adituak direnek, Microsofteko bazkideek eta administrazioko kideek parte hartuko dute.

Proiekturik onenak Microsoften AI for Earth programa funtsekin garatu eta finantzatuko dituzte.

BEAZek proiektuan parte hartu du, eta adimen artifizialeko gaitasunak dituzten startup bizkaitarrak identifikatu ditu, landutako eremu tematiko bakoitzari begira.