Martxoaren 11n, SPRIren auditoriumak “I+G+b arloan nazioarteko lankidetza finantzatzeko aukerak: Energia eta Mugikortasuna” jardunaldia hartuko du. EEN Basquek antolatu du, honako hauen laguntzarekin: Eusko Jaurlaritza, CDTI, Energia Klusterra, Euskadiko Mugikortasun eta Logistika Klusterra eta EIT InnoEnnergy.

Topaketaren helburua da euskal erakundeek energiaren eta mugikortasunaren esparruetan nazioarteko I+G+b arloko lankidetza proiektuetan parte har dezaten sustatzea.

Horretarako, CDTIko NCPek Horizonte Europaren 5. Klusterraren hurrengo deialdiak aurkeztuko dituzte, eta CEIT zein IDEKO zentro teknologikoek EAEko erakundeek energiaren eta mugikortasunaren esparruetan izandako kasu arrakastatsuak azalduko dituzte.

Halaber, Europako proposamenek dakartzaten aukerez ere mintzatuko da, hala nola EIT InnoEnnergy-z, mailakako finantzaketa programez eta Clean Energy Transition Partnership-az.

EEN Basquen eskaintzen dugun laguntza eta konpainia zerbitzuak nabarmenduko ditugu.

#EENCanHelp