Irailaren 3an itxiko da Eurostars CoD14 deialdirako eskaera egiteko epea. Saioak nazioz gaindiko I+G proiektuak bultzatzeko pentsatutako programa honen gako guztiak ezagutu ahal izateko, CDTI, Eureka Network eta EEE Sareak hiru tailer online antolatu dituzte. Horietan EEN euskal nodoan ere kolaboratzen dugu.

Informazioa emateko saioak osagarriak izango dira. Lehenengoa ekainaren 18an izango da, eta Eurostarsen sarrera bat izango da. Programaren alderdi orokorrenak landuko dira: proiektu hautagarrien motak, ebaluazio-irizpideak, emandako diru-laguntza, aurreko deialdietako emaitzak, etab.

Bigarrena – uztailaren 2a – izapidetzean, proiektuak eskaera-proposamen batean nola islatu, bazkideak bilatu eta bertan parte hartuko duen partzuergoa antolatzean oinarrituko da. Egun honetan, EENek eskaintzen dituen zerbitzuak azalduko dira zehatz-mehatz.

Azken tailerrean -uztailaren 9an- eskaeren gaian sakonduko da, proposamen lehiakor bat zerk bereizten duen eta finantzaketa publikoa nola maximizatu azalduko da. Enpresa irabazle baten kasua ezagutuko dugu, eta adituen panel batek hainbat gomendio eta aholku partekatuko ditu.

Erregistroa egitean, saio bat, bi edo hiru aukeratu ahal izango dira. Formalizatu ondoren, Microsoft Teams-era sartzeko esteka bat bidaliko da.