Abenduaren 2tik apirilaren 11ra bitartean, Mercedes de Miguel diseinatzailearen lanaren erakusketa izango da ikusgai Gueñesko Basque Design Center-en.

“El arte de vestir” erakusketak hogeita hamar urteko ibilbidea egiten du moda-diseinatzaile gisa egindako lanagatik eta enpresa-ibilbideagatik ezaguna den profesional baten ofizioan.

Bokazio goiztiarra izan zuen, eta 15 urterekin Bilbora joan zen diseinua ikastera. Geroago, Bartzelonan osatu zuen bere heziketa. Itzuli zenean, beste enpresa batzuentzat lan egiten hasi zen, harik eta 1989an bere bildumak diseinatu eta fabrikatzea erabaki zuen arte, enpresa bat kudeatzeak dakartzan jarduera guztiak bere gain hartuz.

Bere lehen markari, M de Miguel, urte batzuk beranduago beste bat gehitu zion: Poupée Chic by Mercedes de Miguel.

Mende berria hasi zenean nazioarteratze-prozesuari ekin zion eta bere arropa Frantzian, Portugalen, Taiwanen, Japonian eta Hong Kongen saldu zuen.

2000. urtean, “Bere enpresa-lana eta nazioarteko proiekzioa” Mujer Siglo XXI elkarteak ematen duen Urrezko Alfilerraren bidez errekonozitu zen.

Gaur egun, hiru denda propio ditu, bere produktuak El Corte Ingleseko cornerren bidez merkaturatzen ditu, marka anitzeko denda ugaritan saltzen du, eta frankizia formatuan lan egiten du, Mercedes de Miguelek bere ibilbidearen gakotzat jotzen dituen aniztasunarekin: “Egokitzeko gaitasuna eta sor daitezkeen aukerei beti adi egotea”.