Otsailaren 11n, Emakume eta Neska Zientzialarien Nazioarteko Eguna ospatuko da mundu osoan, NBEk sustatua, emakumeek zientzian eta teknologian duten parte-hartzea ikusarazteko eta STEM eremuetan berdintasunezko bokazioak sustatzeko.

Astebete lehenagotik, Emakumeak Zientzian ekimenak, Bizkaiko Foru Aldundiaren babesa duenak, jarduera-programa antolatu du, eta, bertan, ikasleei eta publiko orokorrari zuzendutako erakusketak, hitzaldiak eta tailerrak izango dira, diziplina zientifikoetan emakumezko erreferenteak eskaintzeko helburuarekin.