Urriaren 2ra arte irekita dago Ekin 48 ekintzailetza-ikastaro azeleratuan izena emateko epea. EHUko Zientzia eta Teknologia Fakultateak eta Zitek erakundeak urriaren 6tik 14ra bitartean antolatu dute ikastaro hori Zitek Leioan.

Unibertsitate-komunitateko hiru pertsona arteko zortzi taldek enpresa-proiektu bat osatuko dute, Adrián Odriozola irakaslearen laguntzaz. Elkarrekin ibilbide bat egingo dute, negozio-aukera bat identifikatzen hasi eta, 48 ordu geroago, proiektua webgunean eta bideoan aurkeztuta amaituko dena.

Prestakuntzak ECTS kreditu baten amortizazioa izango du.