Otsailaren 2an eta 14an, SPRI, Innobasque eta Beazek, Enterprise Europe Network euskal partzuergoaren kideek, Eusko Jaurlaritzaren eta CDTIren lankidetzarekin, I+G+b proiektuak aurkezteko deialdiari buruzko bi informazio-jardunaldi antolatuko dituzte, honako gai hauei lotuta: elikadura, bioekonomia, ingurumena eta klimaren aldeko ekintza eta industria. 

Hitzaldiak enpresetako eta enpresa-elkarteetako, klusterretako, aholkularitza-erakundeetako eta abarretako kideak diren eta I+G+b-n zuzendaritza- edo teknika-erantzukizunak dituzten pertsonei eta Zientzia, Teknologia eta Berrikuntzen Euskal Sareko agenteei zuzenduta daude.

Hitzaldien ostean, CDTI (NCP) eta EEN Basque-ko lantalde teknikoekin aldebiko elkarrizketak izateko aukera egongo da (aukera hori baliatu nahi izanez gero, izena emateko formularioetan horren berri eman beharko da). Izena emateko azken egunak: urtarrilak 26 (elikadura,…) eta otsailak 9 (industria).

EEN Can Help!