Berriro dator Bilbao Bizkaia D Week, diseinuaren mugak arakatu eta zabaltzeko helburuarekin. Hyperdesign lelopean azaroaren 15etik 22ra sormen arloko 40 jarduera baino gehiagok agerian utziko dute diseinua etengabe bilakatzen ari dela eta, beraz, ez dagoela eta ez dela egongo diziplina honen definizio bakar eta behin betirakorik.  

Bilbao Bizkaia Design Council-eko partaide bezala antolatu ditugun hiru ekitaldi azpimarratuk ditugu: Cities & Design, hiru agertoki berriei buruz hausnartzeko; Industries & Design, enpresen berrikuntza ere ondoko eremuetatik bultza daitekeela eta, a priori, industriarekin zerikusirik ez duten tresnekin; eta Hyperdesign erakusketa – arte eta diseinuaren arteko solasaldiak.