Otsailaren 10era arte dago irekita Creaction! programan izena emateko epea. Deustu Ekintzaileak antolatzen duen programa da eta bere helburua da Deustuko Unibertsitateko ikasleen artean ekintzailetza suspertzea. 

Zehazki, programa unibertsitate horretako gradu edo gradu bikoitz guztietako lehen mailako ikasleei zuzenduta dago.

Learning by doing metodologian oinarrituta dago eta 5 modulu ditu. Horietan lantzen dira norbere ezagutza, sormena, berrikuntza edo enpresa ekimenak martxan jartzea, beste gai batzuen artean.

16 asteko iraupena du, otsailetik maiatz erdialdera. Guztira 50 ordu izango dira, 30 online eta 20 aurrez aurre.