Bost ikastetxe, zortzi proiektu, iritsi dira Provider enpresa ideien V. lehiaketako finalera. Programa hori Beaz eta Tknikak bultzatzen dute, LHko ikasleen artean 4.0 industriarako konponbideak hornitzen dituzten negozioen ekintzailetza sustatzeko.  

CIFP Zornotza LHII, CIFP Bidebieta LHII, San Viator, CIFP Txurdinaga LHII, FP Andra Mari LH, eta Politeknika Txorierri zentroak azken fasera pasako dira eta dagoeneko euren proiektuak defendatzen ari dira. Maiatzaren 8an egingo dute hori, Beaz, Tknika eta programan parte hartzen duten enpresetako batzuek osatutako epaimahai baten aurrean.

Puntuaziorik handiena lortzen duen taldeak 3000 € jasoko ditu proiektuak garatzeko, eta bigarrenak, berriz, 1 500 €. Gainera, biek izango dute 6 hilabetez BIC Bizkaiako ekintzailetza-aretoan sartzeko aukera, eta bertan aholkularitza teknikoa izango dute.

Sari banaketa ekainaren 6an izango da.