Martxoaren 27an, Startup Campusek bigarren gosari bat antolatu du “jakin-mina duten adimenentzat”. Pukaseko Adur Letamendia izango da Campus Breakfast berri honetako gonbidatua.  

Duela ia 50 urte aisialdia eta negozioa uztartzea erabaki zuen familia enpresa honen ibilbidea ezagutzeko aukera bat; izan ere, surfarekiko zuen zaletasuna bere bizitza profesional eta pertsonalaren giltzarri bihurtu zuen.

Gaur egun Pukasek hiru enpresa biltzen ditu -Pukas surf Eskola, Pukas Surf Shop eta Olatu; ia 150 pertsona enplegatzen ditu eta 10.000 taula inguru egiten ditu urtean, batez ere Europako merkatura zuzenduak, baina baita Amerika, Hegoafrika eta Japoniara ere.