Uztailaren 14an eta 16an, BIOK! Ormazabal erronkako proiektu finalistek parte hartuko dute In Factory Innovation Trip izeneko fasean, zeina hautaketa-prozesuko fase erabakigarria izango baita.

Jardunaldi horietan, enpresek erronkan sakondu ahalko dute, bai eta Ormazabal enpresako lantalde teknikoarekin beren proposamenak alderatu eta planteatutako erronkari erantzuteko proposatutako konponbideak hobetu ere. Hauxe da planteatutako erronka:

“Nola alda dezake Ormazabalek inbentarioen egungo kudeaketa, eskuzko eredu estatiko batetik sistema dinamiko, prediktibo eta automatizatu baterantz eboluzionatzeko?”

Azken konponbideak aurkeztu ostean, Ormazabal eta Beazeko langileek eratutako ebaluazio-batzordeak proiektu irabazlea hautatuko du, eta epaitza uztailaren 17an jakinaraziko da.