Azaroaren 7tik 9ra, Bilbao Tech Week teknologia eta berrikuntzari buruzko ezagutzak trukatzeko topagune bihurtuko da berriro. Sarrera doan;  eman izena!

Hitzaldiek, mahai-inguruek eta lantegiek -guztiak Bilborocken- teknologia gure egunerokoaren parte dela eta arlo horretako aurrerapenek gure etorkizunari mugarik gabeko aukerak irekitzen dizkiotela eta gure bizitzako esparru guztietan eraldaketak dakartzatela erakutsiko dute.

Lan arloak softwarearen garapena, marketin digitala eta blockchain teknologia izango dira. Horri buruz hausnarketa egingo dute, besteak beste, Maitane Valdecantos, Joseba Ruiz, Leire Amo, Eneko Astorkiza, Alba Suerio eta Arturo Monederok.

Ekitaldia Bart Farrel, Binima Digital Products eta LIN3S-k antolatzen dute, besteak beste, Bizkaiko Foru Aldundiaren babesarekin.