Apirilaren 19tik maiatzaren 19ra zabalik egongo da epea Bilbao Bizkaia Design Week-en bederatzigarren ediziora jarduerak aurkezteko.

Beren jarduera Bizkaian garatzen duten eta/edo lurraldean gauzatzen duten diseinuarekin eta sormenarekin lotutako era guztietako erakunde, enpresa edo profesionalek proposa ditzakete jarduerak.

BBDW23 azaroaren 16tik 26ra izango da. Aurreikusita zegoen bezala, aurreko edizioan egindako planteamenduari jarraipena emango dio. 2022an leloa Ecosistema-Erresonantzia izan bazen ere, aurten Ecosistema-Artikulazioa da, eta iaz identifikatutako errealitate desberdinak konektatzea du helburu.

Jardueren aniztasuna eta kopurua Bilbao Bizkaiaren diseinuaren astearen ezaugarrietako bat da, eta zure proposamenaren zain gaude horrela izaten jarrai dezan.