Ekainaren 14an Bilbao International Art & Fashion, BIAAFek antolatzen duen nazioarteko lehiaketaren irabazleak jakinaraziko dira.

92 herrialdetako 1300 parte-hartzaile baino gehiago lehiatzen dira lehiaketaren hiru kategorietan: jantziak, osagarriak eta tokiko diseinatzaile berririk onena. Horiek guztiak 18 eta 35 urte bitarteko gazte sortzaileak izango dira.

Maiatzaren 13an nazioarteko epaimahai batek proposamen irabazleak iragarriko ditu. Sariak, 25.000 eurokoak, ekainean banatuko dira, diseinu irabazleak eta finalistak agertuko diren erakusketa batean.

BIAAF plataforma, duela 15 urtetik hona, «Mundu osoan sortzen ari diren diseinatzaileei nazioarteko ikusgarritasuna ematera, haien enplegagarritasuna bultzatzera eta profesional gisa garatzeko aukera emango dien errendimendu handiko hezkuntza eskaintzera» dedikatzen da. Horretarako, munduko modari lotutako unibertsitate eta kultura-erakunde nagusiekin elkarlanean aritzen da etengabe, eta hainbat jarduera garatzen ditu, hala nola bi urtez behingo nazioarteko sari hau.