Martxoaren 30etik zabalik dago epea elkartegiak eta industrialdeak programan eskaerak egiteko. Helburua azpiegitura horietan kokatuta dauden enpresen hazkunde eta emankortasuna bultzatzea da.

Programan lau laguntza-ildo daude, horietako bi enpresei eta banakako enpresariei zuzenduta:

• Diru-laguntzak Elkartegiak enpresa-zentroetan moduluak errentan hartzeko. Eskaerak irailaren 27ra arte .
• Elkartegiak enpresa-zentroetan edo industria-pabilioietan kokatutako enpresetako instalazioak edo makinak modernizatzea. Eskaerak apirilaren 30era arte.

Eta beste bi industrialdeen jabe edota errentatzaile-elkarteei zuzenduta:

• Elkarteak sustatzeko eta industria-poligonoen kudeaketa- eta hobekuntza-planak egiteko diru-laguntzak. Eskaerak irailaren 13ra arte.
• Industria-poligonoa hobetu eta egokitzeko kudeaketa- eta hobekuntza-planak aurrez ikusitako inbertsioetarako diru-laguntza. Eskaerak irailaren 13ra arte.

Programa hau Ekonomi eta Lurralde Garapena Sustatzeko Sailak bultzatzen du eta Azpiegiturak-ekin elkarlanean kudeatzen da.