Maiatzaren 24a arte zabalik egongo da epea Artisautza sustatzeko foru programan eskaerak egiteko. Helburua Bizkaian artisautzaren jakintza bultzatzea eta sektoreko enpresak eta produktuak sustatzea da.

Horrez gain, enpresen sorkuntza bultzatu nahi da, profesionalen prestakuntza-maila hobetu eta enpresen artean asoziazionismoa sustatu.

Helburuok lortzeko programan bi jarduera-mota daude: artisauen enpresek egindakoak eta toki erakundeek eta artisau-elkarteek antolatutakoak.

Programaren erakunde kudeatzaile legez Beazen zure esanetara gaude dekretuaren gakoak azaltzeko. Berritasun nagusia jaso beharreko kopuruak  argiago eta aurrekontuari egokituago agertzen direla da.