Dagoeneko salgai daude B-Venture ekimenaren zazpigarren ediziorako sarrerak, urriaren 19an eta 20an Euskalduna Jauregian egingo dena.

Iparraldeko punta-puntako startupen eta inbertitzaileen topaleku bilakatuko da beste behin Bilbo. Aukera ederra izango da —bereziki, hasierako garapen-faseetan dauden proiektuentzat— informazioa biltzeko, ekintzailetzarako babesak ezagutzeko eta kontaktuak egiteko.

Helburu hori lortzeko asmoz, programaren baitan biltzarrak, mahai-inguruak eta tailer praktikoak eskainiko dira. Horrez gain, startup-ek aurkezpenak egingo dituzte eta oso ikuspegi desberdineko 50 hizlari baino gehiagok parte hartuko dute. Gainera, 2000 m2 baino gehiagoko erakusketa-espazio bat egongo da, non inbertitzaileak, enpresa azeleratzaileak, arrisku-kapitaleko funtsak eta korporazio handiak izango diren.

Topaketa hori El Correok antolatu du, Eusko Jaurlaritzaren, Bizkaiko Foru Aldundiaren eta Bilboko Udalaren laguntzarekin.