Gaur egingo dugu BAT B Accelerator Tower zentroan Bizkaia inbertsio foroaren hirugarren edizioa. Topaketa honen sustatzaileak Beaz eta Seed Capital Bizkaia izango dira, lurraldeko start-up berritzaileenetako batzuk inbertsio erakunde publiko eta pribatuetara hurbiltze aldera.
Hona hemen edizio honetako zazpi start-up protagonistak: BOXSR, Cloudtainer, Grabit, Landatu Solar, Mikrobiomik, PowerCloud eta WorldPats.
Hainbat sektoretakoak izanda (teknologia logistikoa, beauty-tech, itsas garraioko IoT, retail-tech, eguzki-industria, bioteknologia, energia-eraginkortasuna eta giza baliabideei aplikatutako teknologia), guztiek partekatzen dute hazteko ahalmen handiko proiektu eskalagarriak izatea eta inbertsiorako garapen-fase ezin hobean egotea.
Hautatuak izan ondoren eta Startup Wise Guys bizkortzailearekin proiektuaren komunikazioa landu eta gero, beren pitch delakoa egingo dute gaur 50 inbertitzaileen aurrean.
Espero da horri esker «benetako harremanak eta etengabeko lan bideak eta hurbiltasuna» lortzea, start-upetan inbertitzeko kultura finkatzeko balio dezan ere.
