LIBU, liburu-denda soziala

Zubietxe Elkartea  laguntza programen bitartez bazterkeria arriskuan dauden pertsonak gizarteratzeko lan egiten duen erakundea da. Zubietxe elkartearen azken proiektuetako bat LIBU da, Bilboko Alde Zaharrean kokatutako liburu-denda sozial bat, non bigarren eskuko liburuak saltzen diren, baliabide gutxiko pertsonei lan aukerak eskaintzeko.

Libun gauzak gertatzen dira eta nahi duen orok bere ekarpena egin dezake: erabilitako liburuak erosi edo ekarri, jardueretan parte hartu, elkartu… Jendea asko inplikatu da eta hasieratik bertatik proiektua jasangarria da ekonomiaren aldetik eta enplegua sortzen du.