Azaroaren 7tik 11ra Deustuko Unibertsitateko Ingeniaritza Fakultateak besteak beste DeustoEmprenderekin batera antolatuko du Ingeniaritza eta Teknologiaren X. Astea, Forotech. Aurten 17. GJHa landuko da, zeinaren helburua den “Garapen Jasangarrirako Munduko Aliantza suspertzea”.
Erronka hau ezin hobeto datorkio Forotechen filosofia honi: enpresen eta unibertsitateen arteko aliantzak bilatzea profesionalen eta ikasleen arteko zuzeneko harremana erraztuz.

Helburu hori betetzeko jarduera programa bat sortu da eta topaketak egiten dira BBVA eta Siemens-Gamesa bezalako enpresekin eta erakusketak, mahai-inguruak edo Adimen Artifizialari buruzko bootcamp bat ere egongo dira.